مسلسل من انتاج عام 2004
مسلسل جبار
مسلسل غير
مسلسل يجمع الإثارة الكوميديا الرعب الرومنسية الدراما
مسلسل لحسة مخ من جد يعني انا اتصور اني اخلص منه واروح اخطف طياره واخلي الطيار غصب يطيح في المحيط الأطلسي , من جد ما تدري في هالمسلسل من الطيب ومن الشرير
المسلسل حطم كل التوقعات والي ما سمع بلوست يروح ينتحر اصرف له
عموما
المسلسل لا يفووووتكم
مقدمة:
الفلم يتكلم عن الرحلة رقم 185 تبع شركة خطوط اسمها أوشنيك متجة من سيدني استراليا للوس انجلوس الولايات المتحده وفي خلال هالرحله يضطر الطيار يغير مساره ناحيةجزر فيجي وانه يخرب جهاز الارسال فبالتالي هالدلخ ما بلغ برج المراقبة بتغيير مساره
المهم ان الجزء الخلفي بالركاب الي فيه من الطياره ينقشع كما ينقشع شعر الساق بالحلاوه وبعد كذا تطيح باقي الطياره على جزيره في المحيط الأطلسي يبدأ الركاب في مساعده بعض وتجميع الأغراض من الطياره ويبدون ينتظرون وصول المساعدات والإنقاذات لكن لا حياة لمن تنادي ولا عين رأت ولا اذن سمعت <== انتي اشرحي المسلسل وفكينا من تعليقاتك
المهم يتضح ان الي نجو من السقوط تقريبا 54 شخص اكثر شوي اقل شوي لا نزكي على الله احدا
طبعا صعبه مسلسل يعتمد على 54 شخص كأبطال فهنا اختار المنتجين تقريبا 15 شخصية رئيسية والباقي من ورا الحصاة البيضا يعني موب محسوبين
المسلسل في كل حلقة يجيب لنا احداث المفقودين في الجزيرة والمواقف والمشاكل والخلافات الي تحدث بينهم من جهة
وتدخلنا على احداث غامضة جدا جدا في هالجزيرة إلي ترووع وتلحس المخ من اول يوم وصلوا فيه
طبعا يقوم المسلسل في كل حلقة بإختيار احد الشخصيات الرئيسية في الفلم ويجيب لك مشاهد من حياته قبل هالحادثة ويتكلم لك عن سبب وجوده في سدني وسبب سفره للوس انجلس
طبعا بحاول اكون حذره وانا اجيب لكم تفاصيل المسلسل والشخصيات عشان ما اخرب عليكم هالمسلسل الرائع
اتمنى اني وضحت لكم القصة الرئيسية المبدئية عن هالمسلسل
المسلسل حتى الأن يتكون من 3 اجزاء
الجزء الأول يتكون من 25 حلقة كل حلقة مدتها تقريبا 45 الى 40 دقيقة
الجزء الثاني يتكون من 24 حلقه
بدت قناة abc
في عرض حلقات الجزء الثالث
بعد ما يتنزل الحلقه اصبر لها خمس او ست ساعات بالكثير وتنزل بالتوررينت
يميز هالمسلسل الدقة في القصة وكيف الترابط الي يخليك تنهبل وتحس ان فيه مليون واحديدققون في القصه وذلك عشان الصدف القوية الي بتمر فيك خلال الفلم وفيه اشياء معينة في المسلسل ممكن تمر عليك ولا تلاحظها حتى لو عدت الحلقة اكثر من مره وهالشي يخلي المسلسل ممتع جدا
مثلا مشاهد شخصيات في الجزيرة يتقابلون بالصدفه قبل الحادث او شخصية في الجزيرة تقابل شخص يعرف او يقرب لشخصية ثانية بالجزيرة او خلال سرد لتاريخ واحد من الشخصيات تشوف لقطة من بعيد للتلفزيون فتلاحظ واحد من الممثلين على التلفزيون وهكذا دواليك <=== اما دواليك ذي مدري مع وين طلعت
طبعا تقييم المسلسل 10\10
ولا يحتاج اقول انه حصد جوائز بالهبل
فيه شخصيات ظهرت في الجزء الأول فقط وفيه شخصيات ظهرت في الجزء الثاني فقط
انا بطرح نبذه عن شخصيات الجزء الاول بس عشان ما اخررب
الشـــخصيات:
Matthew Fox
يقوم بدور الدكتور جاك شيبارد
شخصية رئيسية وتقريبا يعتبر البطل الأول في الفلم
هو الطبيب الوحيد في الجزيرة
يعمل كطبيب جراح قلوب الناس يداويها
كان له خلافات كثيرة مع ابوه الي هو بدورة ايضا طبيب جراح لكن الفرق بينه وبين ابوه انه هو قلوب الناس يداويها اماابوه فياما جراح سهر اليل يداريه
سبب ذهابه لسيدني عشان يروح يدور على ابوه عقب ما تهاوش معه
شخص ثقل صاحب شخصية قيادية يكره العنف ولا يميل له ابدا إلا في الضرورة
الحلقات الي تتكلم عن حياة جاك الشخصية وتاريخه قبل هالحادثة نوعا ما تميل للدراما فيها كثير اثارة
هذا كل الي ممكن اقوله عن هالشخصية
Terry O'Quinn
يقوم بدور جون لوك
موظف في شركة تعليب او تغليف شي من هالقبيل
شخصية غامضة جدا
يتصرف تصرفات غريبة
شخص ماهر في الصيد وفي تعقب الأثر
يحب يعمل بصمت قليل ما يتشاور مع المجموعه يقهرني فيه انه احيانا يخفي معلومات مهمة ليش ما ادري وهذا الي مكرهني في شخصيته
له حالة صحية خاصة
يؤمن ان هالجزيرة لها قدرات سحرية خاصة وان الجزيرة هي الي نادتهم
الحلقات الي تتكلم عن قصتة غالبا ما تكون بائسة وحزينة لأن قصته تضيق الصدر شوي
Evangeline Lilly
تقوم بدور كيت اوستن
مالها وظيفة محددة
ما تتكلم عن تاريخها او ماضيها لبقية المجموعة
محبوبة من الجميع وتعتبر حلقة الوصل بين جاك شيبارد وسوير (بقلكم عقب شوي منهو سوير)يميل لها جاك وسوير عاطفيا مالها مهارة معينة بس تحب تتلقف في كلش
تاريخها غامض ويمكن من اكثر الشخصيات غموض من ناحية حياتها قبل الحادث والى الان
Naveen Andrews
ممثل هندي سبق ومثل في فلم انجلش بيشنت
يقوم بدور سعيد جراح
ضابط اتصالات في الجيش الجمهوري العراقي
المنتجين قالوا انهم كانوا دقيقين وحذرين جدا مع هالشخصية عشان ما تنفهم غلط
من مهاراته انه كان في الجيش اخصائي تعذيب <=== هذي عقب اخصائي مسالك بولية بسنتين
انا شخصيا انبسط اذا جت حلقه تتكلم عن تاريخ هالشخصية اولا لأن فيها كلام عربي يضحك من بعض الممثلين ، ولما يجي هالهندي ( وهو كممثل مستواه ممتاز) ويتكلم عربي والله اقرا الترجمة منيب افهم , السبب الثاني ان حلقاته غالبا ما تكون ممتعة وفيها اكشن
الشخص هذا له خبره في الحروب والاستراتيجية حقتها ويجيد استخدام الأسلحة <== عشانه عربي
طبعا هالشخص سبب ذهابة لسيدني واتجاهه للوس انجلس انه يبحث عن بنت يحبها اسمها نادية وخلال رحلة بحثة هذي يتعرض لبعض المواقف المثيرة
وسوير ( الي بقولكم منهو عقب شوي ) يذب عليه احيانا
الشخصية هذي تشدني وانا احبها نوعا ما ودي يصير قوي دايم
Josh Holloway
هالأطخم هو سوير
ويقوم بدور جيمس فورد ويلقب نفسه بإسم سوير وهالإسم له قصة ما أبي اخربها عليكم
يعمل كمحتال ونصاب يشبك بنات متزوجات ويقنعهم ان عنده مشاريع فيخليهم يضغطون على ازواجهم عشان يشاركونه بعدين ياخذ الفلوس ويهج
الشخصية هذي شخصية عبيطة ونذلة وفيها كل العبر اعوذ بالله لكن لا تخلووو من الفزعات من وقت لأخر وما يمديه يفزع إلا وهو مسوي حركة وصخة عقبها على طول
ما يحب ان احد يحبه ويحاول يكره الناس فيه لكن تجد انه غصبن عنه بسبة بعض المواقف يخليهم يحبونه
طبعا جمع اغلب الأغراض المهمه من الطيارة والأدوية واي شي ممكن يستفيد منه مستقبلا وحطه في خيمته وتلقاهم كل شوي يجون يترجونه يبغون منه غرض طبعا فيه استلطاف بينه وبين كيت وهذا الي هون عليهم شوي وخلاهم يقدرون يتفاهمون معه عن طريقها صايرتن واسطة بينهم
سبب ذهابه لسيدني وعودته للوس انجلس مابي اقوله عشان ما اخرب قصة هالشخص
حلقاته انا شخصيا استمتع فيها
وعلى الرغم من طباعة هاللي تكره المشاهدين فيه إلا انه من اكثر الشخصيات المحبوبة في هالمسلسل
Ian Somerhalder
يقوم بدور بوون كارليل
يعمل كمدير لأحد شركات والدته
شخصية طيبة جدا يحب يساعد ويتعاون مع الكل
ينقلب إلى شخصية عنيفة جدا اذا شاف احد يتعرض لبنت زوج امه شانون
فهو يعتبرها مثل اخته وسبب سفره لسيدني عشان يروح ينقذها ويجيبها بعد ما اتصلت عليه وطلبت منه يجي يساعدها
ماله مهارة معينة حيث انه مدلل يعني ما عندك احد
Maggie Grace
تقوم بدور شانون رذرفورد
هذي هي اخت بوون الي فوقنا
بنت دلوووعة مره بعد وفاة ابوها ما صار عندها دراهم وتوهقت بعد ما كانت عايشة في العز فما صار لها إلا بوون إلي تعتبره مثل اخوها فسافرت سيدني عشان تشوف حالها ونفسها لكنها توهقت فدقت على بون عشان يجي ينقذها وهنا اكتفي بهالكلام عن هالشخصية
الحلقات الي تتكلم عنها تتكلم عن بوون في نفس الوقت ومستواها عادي نوعا ما
Dominic Monaghan
يقوم بدور تشارلي بيس عضو فرقة غنائية بريطانية تتكون منه هو واخوه
يعيب عليه انه يتعاطى المخدرات ولا هو طيب وحبوب ويحب يساعد اي احد له علاقة وطيده مع كلير , هالشخص خلال احداث المسلسل تصيرله مواقف وبلاوي بالهبل
تكرهه فترة وتحبه فترة ما ينعرف له
Jorge Garcia
هذا يقوم بدور هيوغو رييز ولقبه هيرلي
اطيب من على الجزيرة ومسؤوول التخزين والأكل
اكثر شخصية كوميديه في المسلسل
من شخصيته تتوقع ان ما وراه إلا الدجه لكن قد تكون قصته من اغرب وأكثر القصص حماس وإثاره
على لسانه دايم كلمة Dude
يعتبر تشارلي اعز اصدقائة ما يحتاج اقولكم انه ضرس ويقدر الأكل
Yoon-jin Kim
تقوم بدور صن
فتاة كورية غنية تجيد اللغة الانجليزية بس ما علمت زوجها بهالموضوع
تزوجت الرجل الي تحبه جين الفقير ابن صياد السمك بصعوبه وأبوها ما وافق على الزواج الا بشروط معينة
طيبه وحبوبة تجيد التمريض ولها خبره في طب الأعشاب
تجيد الزراعة وتنسيق الحدائق <== الله من زين الموهبه
مشاكلها مع زوجها هي غالبيه محور قصتها وتاريخها قبل الحادثه
Daniel Dae Kim
يقوم بدور جين زوج صن
يحب صن ويموت فيها
اضطر انه يقبل بشروط ابو صن عشان يتزوجها جن <== وش هالعائلة هاللي نصها مشروبات مسكرةوالنص الثاني بلوت
المهم ان الرجال غيور جدا على زوجتة ولا يدري انها تعرف تحتسي انجلش
ومسألة انه ما يعرف يتكلم انجليزي جايبتن له قلق
طبعا صياد سمك من الدرجة الأولى لدرجة انهم احيانا يتطلبونه عشان يصيد لهم
Harold Perrineau
الامصل والأبثر على الإطلاق وذبح ابونا بولده وكلب ولده ههههههههههههههههه
ويقوم بدور مايكل دوسن
مهندس معماري مطلق زوجته الي جحدته وراحت مع زوجها الجديد لاستراليا
وهو رايح لأستراليا عشان ياخذ ولده
Malcolm David Kelley
ثاني امصل واحد في المسلسل
يقوم بدور والت لويد
هو الولد الي في استراليا وابوه رايحن يجيبه <== واضح انه شرح وحده حايمتن تسبده ههههههههههههههههههههههههههههههههه
من جد المسلسل بطل بكل معنى الكلمه ويشدك بكل مافيه من اثاره وانا انصحكم تشوفونه
وسلامـــــــــــــــــتكم
[/b]
الأحد أكتوبر 25, 2009 6:34 am
[b]
